दिनांक : 02 जून 2026. मंगळवार. अहिल्यानगर : निर्भीड जनता न्यूज नेटवर्क
हिंदी पत्रकारिता दिनी देशभरातील निवडक पत्रकारांमध्ये सचिन उपाध्ये यांचा समावेश; निष्पक्ष पत्रकारितेची राष्ट्रीय पातळीवर दखल!
अहिल्यानगर : निर्भीड जनता न्यूज नेटवर्क
पत्रकारिता ही केवळ बातमी देण्याचे माध्यम नसून समाजातील सत्य, न्याय आणि जनतेच्या प्रश्नांना वाचा फोडणारी एक प्रभावी लोकशाही शक्ती आहे. अशाच निस्वार्थ, निर्भीड आणि लोकहितवादी पत्रकारितेची दखल घेत जर्नलिस्ट कौन्सिल ऑफ इंडिया (रजि.) या राष्ट्रीय स्तरावरील संस्थेने हिंदी पत्रकारिता दिन २०२६ निमित्त निर्भीड जनता न्यूजचे मुख्य संपादक तथा सामाजिक कार्यकर्ते सचिन विठ्ठल उपाध्ये यांना विशेष सन्मानपत्र प्रदान करून गौरविले आहे.
देशभरातील पत्रकारांच्या कार्याचे मूल्यमापन करून निवडक पत्रकारांना हा सन्मान देण्यात आला. पत्रकारांच्या समस्या, लोकहिताचे प्रश्न, सामाजिक विषय, शासकीय योजनांचा पाठपुरावा तसेच जनतेच्या न्याय्य हक्कांसाठी सातत्याने आवाज उठवणाऱ्या पत्रकारांच्या योगदानाचा गौरव करण्यासाठी हा उपक्रम राबविण्यात आला.
सचिन उपाध्ये यांनी गेल्या अनेक वर्षांपासून ग्रामीण भागातील प्रश्न, वंचित समाजाच्या अडचणी, सामाजिक न्याय, शासनाच्या योजना, पत्रकारांचे प्रश्न तसेच विविध लोकहिताच्या विषयांवर सातत्याने निर्भीडपणे लेखणी चालवली आहे. डिजिटल पत्रकारितेच्या माध्यमातून त्यांनी हजारो नागरिकांपर्यंत वस्तुनिष्ठ आणि विश्वासार्ह माहिती पोहोचविण्याचे कार्य केले आहे.
विशेष म्हणजे, दैनिक कॉमन न्यूज तसेच निर्भीड जनता न्यूज पोर्टल या माध्यमातून त्यांनी अनेक सामाजिक प्रश्नांना वाचा फोडत प्रशासनाचे लक्ष वेधून घेतले. विविध शासकीय कार्यालये, स्थानिक स्वराज्य संस्था आणि लोकप्रतिनिधींपर्यंत सामान्य नागरिकांच्या समस्या पोहोचविण्याचे काम त्यांनी सातत्याने केले आहे. त्यामुळेच त्यांच्या पत्रकारितेची दखल राष्ट्रीय स्तरावर घेतली गेली असल्याची भावना व्यक्त होत आहे.
हिंदी पत्रकारिता दिनाच्या पार्श्वभूमीवर आयोजित करण्यात आलेल्या विशेष कार्यक्रमात देशातील विविध राज्यांतील पत्रकारांचा गौरव करण्यात आला. या सन्मानामुळे महाराष्ट्रासह अहिल्यानगर जिल्ह्याचे नाव राष्ट्रीय स्तरावर उज्ज्वल झाल्याची प्रतिक्रिया अनेक पत्रकार, सामाजिक कार्यकर्ते व मान्यवरांनी व्यक्त केली आहे.
पत्रकारितेतील प्रामाणिकपणा, सामाजिक बांधिलकी आणि जनतेप्रती असलेली जबाबदारी या मूल्यांचा सन्मान म्हणून मिळालेला हा गौरव भविष्यात अधिक जोमाने कार्य करण्यासाठी प्रेरणादायी ठरणार असल्याचे सचिन उपाध्ये यांनी सांगितले.
या यशाबद्दल विविध क्षेत्रातील मान्यवर, पत्रकार बांधव, सामाजिक संस्था आणि नागरिकांकडून सचिन उपाध्ये यांच्यावर अभिनंदनाचा वर्षाव होत असून त्यांच्या पुढील पत्रकारिता प्रवासासाठी शुभेच्छांचा वर्षाव होत आहे.
लोकशाहीच्या चौथ्या स्तंभाची प्रतिष्ठा जपत सत्य आणि समाजहितासाठी झटणाऱ्या पत्रकारांच्या कार्याला मिळालेली ही राष्ट्रीय पातळीवरील पोचपावती असल्याची भावना पत्रकारिता क्षेत्रातून व्यक्त होत आहे.
विश्वशांती दूत तथा पत्रकार सेवा संघाचे ज्येष्ठ मार्गदर्शक डॉ. सुधीर तारे यांनी सचिन उपाध्ये यांचे अभिनंदन करताना सांगितले की, “पत्रकारिता ही समाजपरिवर्तनाची प्रभावी ताकद आहे. सचिन उपाध्ये यांनी ग्रामीण भागातील प्रश्न, सामाजिक न्याय, लोकहित आणि पत्रकारांच्या हक्कांसाठी सातत्याने निर्भीडपणे आवाज उठविला आहे. त्यांना मिळालेला हा राष्ट्रीय सन्मान त्यांच्या प्रामाणिक आणि लोकाभिमुख पत्रकारितेची पावती आहे. हा गौरव केवळ त्यांचा नसून संपूर्ण पत्रकारिता क्षेत्रासाठी अभिमानास्पद आहे. भविष्यातही त्यांनी सत्य, न्याय आणि समाजहितासाठी अशीच निर्भीड पत्रकारिता करत राहावी,” अशा शुभेच्छा त्यांनी दिल्या.
पत्रकार सेवा संघाचे संस्थापक अध्यक्ष रामनाथ जऱ्हाड यांनीही सचिन उपाध्ये यांचे अभिनंदन करताना म्हटले की, “सचिन उपाध्ये हे पत्रकारितेतील अभ्यासू, संवेदनशील आणि जनतेच्या प्रश्नांबाबत जागरूक असलेले पत्रकार आहेत. त्यांनी पत्रकारितेला सामाजिक बांधिलकीची जोड देत अनेक प्रश्नांना न्याय मिळवून देण्यासाठी सातत्याने प्रयत्न केले आहेत. जर्नलिस्ट कौन्सिल ऑफ इंडियाकडून मिळालेला हा राष्ट्रीय सन्मान त्यांच्या कार्याचा योग्य गौरव असून, यामुळे युवा पत्रकारांनाही प्रेरणा मिळेल. त्यांच्या पुढील वाटचालीस मनःपूर्वक शुभेच्छा.!”
या राष्ट्रीय सन्मानाबद्दल पत्रकार सेवा संघाच्या पदाधिकाऱ्यांसह विविध क्षेत्रातील मान्यवरांनी सचिन उपाध्ये यांचे अभिनंदन करून त्यांच्या पुढील कार्यासाठी शुभेच्छा व्यक्त केल्या आहेत.