मनोली (प्रतिनिधी) – मनोली गावात जय हनुमान अखंड हरिनाम सप्ताह कार्यक्रमाचे आयोजन भक्तिभावाने करण्यात आले असून, या धार्मिक सोहळ्याच्या निमित्ताने मंदिरात हनुमंताचे दर्शन घेण्यासाठी भाविकांची मोठ्या संख्येने उपस्थिती पाहायला मिळाली.या निमित्ताने आयोजित कार्यक्रमात विशेष पाहुणे म्हणून आलेल्या मान्यवरांनी मंदिरात हनुमंताचे भक्तिभावाने दर्शन घेतले. यावेळी त्यांनी ग्रामस्थ व उपस्थित भाविकांशी मनमोकळा संवाद साधत त्यांच्या अडचणी, भावना समजून घेण्याचा प्रयत्न केला.
कार्यक्रमात सहभागी होताना त्यांनी सांगितले की, “अशा धार्मिक व सांस्कृतिक कार्यक्रमांत सहभागी होणे नेहमीच आत्मिक समाधान देणारे असते. हनुमंताच्या कृपेने सर्वांवर सदैव चांगल्या आरोग्याचा, सुख-समृद्धीचा आणि शांतीचा आशीर्वाद राहो, हीच प्रार्थना.”गावातील सर्व वयोगटातील नागरिकांनी एकत्र येत भक्तीभावाने सप्ताहात सहभाग घेतल्याने गावात चैतन्य आणि आध्यात्मिक ऊर्जा अनुभवायला मिळाली.
या कार्यक्रमाचे आयोजन ग्रामस्थांनी समवेत भक्तगणांच्या सहकार्याने केले होते. सात दिवस चालणाऱ्या या हरिनाम सप्ताहात कीर्तन, प्रवचन, हरिपाठ, हनुमान चालीसा पठण व महाप्रसादाचे आयोजन करण्यात आले असून अखंड नामस्मरणाचा आनंद भाविक घेत आहेत.हा सप्ताह गावात धार्मिक व आध्यात्मिक वातावरण निर्माण करणारा असून, अनेक भाविकांनी यामध्ये सहभागी होण्याचे आवाहन आयोजकांनी केले आहे.